A-hed ar C’hantved gant tud Breizh Izel

Gant Naig an hini eo e oa bet loc'het ar projed A-HED AR C'HANTVED

Un tammig eus ur pennad-kaoz hir graet ganti e Kastell er bloavezh 1996. Fortuniañ pe dimeziñ ?

4 eurvezh hanter a gomzoù gant Naig Rozmor (1923-2015) : he buhez, he bugaleaj, ar familhoù gwechall, relijion, deskadurezh, ar brezelioù hag ar cheñchamantoù degaset ganto, seksualegezh, JAC ha labour-douar, lidoù ar marv hag ar ganedigezh, dizoloiñ he yezh, skrivañ ha treiñ, dazont ar brezhoneg… Ur mor a demoù dedennus en ur brezhoneg plaen, fraezh, resis ha pinvidik.

Da gavout war al lec'hienn-mañ dizale… hag un 150 den all bennak da heul.

Lennegezh aodio a vouezh uhel

Jakez Riou (1899-1937)

Ne lenn ket a-walc’h ar Vretoned, emezit-c’hwi ?

Ma, lakaomp anezho da glevet o lennegezh neuze,
dre ar raktres A vouezh uhel  :  danevelloù, romantoù, barzhoniezh, kontadenn…

Testennoù brav, mouezhioù kaer da gontañ anezho, un tamm kinklañ : peadra da reiñ ton d'hor skrivagnerien, d'ar re "gozh" evel Roparz Hemon, Jakez Riou, Anatol ar Braz pe d'ar re "yaouank" pe nebeutoc'h anavezet, danevellerien evel Annie Coz, Herve Bihan, Maï Ewen, barzhed evel Per Pondaven, Paol Keineg, Bernez Tangi… hep disoñjal ar gonterien.

© Copyright wave.bzh & Blaz Produktion - Crédit photo : Florence Rigal